خطه الشـ,ـيطانه بقلم احمد محمود شرقاوي

مراتي فضلت حوالي سنتين بعد الجواز مبتخلفش, وفضلنا نجري من دكتور لدكتور لشيخ لدجـ,ـال ومفيش أي نتيجة للأسف, وده لأن الموضوع عندنا صعب شوية وفكرة إنك متخلفش بنعتبرها عيبة كبيرة في حق الراجل وحق الست, عشان كدا أول ما حملت كنت طاير من الفرحة ومش مصدق أخيرا انها هتخلف وهرفع راسي وسط الناس كلهم, وحتى يوم ما عرفنا الخبر أختي عملت وليمة كبيرة أوي في البلد ووزعت على كل الناس تقريبا..

وفضلنا منتظرين الطفل بفارغ الصبر, شهر واتنين وتلاتة, لحد ما جه يوم الولادة وخلفت مراتي طفل يبان انه عادي, بس نظرة أختي كانت قلقانة وبتقول انه استحالة يكون عادي, الطفل ده مش طبيعي إطلاقا, وفعلا وبعد كام شهر بدأت تظهر ملامحه,

وكان واضع انه هيطلع طفل عنده تأخر عقلي, وقتها مراتي حملت مرة تانية, واستنينا بفارغ الصبر, وخلفت طفل من تاني يعتبر نسخة من أخوه, طفل عنده تأخر عقلي وملامحه مختلفة عن كل الأطفال, مكناش نعرف ان الحالة دي اسمها “متلازمة داون”
وفي يأس كبير حاولت المحاولة الأخيرة يمكن تنصفني المرة دي, بس للأسف جه التالت نسخة من اخواته الاتنين, وقتها تمنيت من كل قلبي لو كانت مخلفتش من الأساس, وكنت طـ,ـلقتها واتجوزت غيرها, أو كانوا يمـ,ـوتوا وميخرجوش للدنيا من الأساس, وكلها سنتين بس واللي توقعته لقيته, أنا اللي ليا اسم كبير في البلد كلها واسمنا معروف بقا بيتقال لولادي في

الشوارع “العبايط” أو العيال المتخـ,ـلفين اللي مبيفهموش, وكنت بتجنن لما بيوصلي الكلام ده, وعملت خـ,ـناقات كبيرة كانت هتوصل للمـ,ـوت مع أكتر من حد لأنه بيقول كدا على عيالي, بس ده موقفش الناس, خاصةً اللي بيحبوا يشـ,ـمتوا فينا وفي عيلتنا الكبيرة المعروفة, ومن جوايا بدأت أدور على أي حل للمشكلة اللي انا فيها دي, الطلاق مش حل, وبقا عندي رعب من إني أتجوز تاني وأخلف نفس الشكل ده, وقتها هيتأكد الظن إن انا عندي مشكلة كبيرة, انما دلوقتي أقدر أرمي المشكلة على مراتي مش عليا انا..

وبدأت أشتكي لأختي مرة واتنين, أختي الكبيرة اللي تقريبا كنا بنعتبرها كبيرة العيلة مش أختنا بس, وبدأت تكلمني عن تخـ,ـوفات جواها, التخـ,ـوفات عبارة عن إن نسل عيلتنا شريف, مبيخرجش أطفال بالشكل ده, وانها شاكة إن مراتي عملت الحرام مع حد تاني وجابت منه العيال دول, كلامها خلى النار تولع جوايا, لدرجة إني مسكت السـ,ـكينة وكنت رايح أقتـ,ـلها, بس أختي قالتلي انا هتأكد الأول, وطلبت مني شعرة مني عشان تكشف وتتأكد العيال دول ولادي ولا لا, العيال ولا شبهي ولا قريبين من طبعي وصفاتي من الأساس..

واستنيت رجوعها على نـ,ـار لأكتر من 8 ساعات, وفي الآخر رجعت وقالتلي انهم مش ولادي, وان مراتي جابتهم من حد غيري, وبالأخص لما اتأخرنا في الحمل راحت اتصرفت وعملت ده مع حد تاني, عنيا احمرت وبدأت الدنيا تتلون باللون الاسود قدامي, أختي مسكتني بالعافية وقالت ان التنفيذ لازم يبقا بحرفنة عشان محدش ياخد باله مننا, وهنقول انها هربت بالعيال لأنها ملبـ,ـوسة من الجـ,ـن, والعيال اللي خلفتهم دول كانوا من الجـ,ـن..

وخططنا لأكتر من تلت أيام لحد ما جه يوم التنفيذ, خدرت مراتي وعيالي التلاتة, وضـ,ـربتهم بالنـ,ـار الأربعة بدـ,ـم بارد, وحطتهم في شنطة العربية وطلعت بيهم على المـ,ـقابر, دفـ,ـنت الأربعة في مقـ,ـبرة واحدة وقفلت عليهم, كل ده بالنسبالي سهل, ومفيش فيه أي مشكلة إطلاقا, وكلمت اختي وقولتلها إن كل حاجة اتنفذت تمام, وقالتلي أرجع شقتي وبكرة نبلغ انها هربت في مركز الشرطة ونعمل مشكلة مع أهلها ونتهمهم انهم هـ,ـربوها ونفـ,ـضحهم, وبكدا نفلت من الجـ,ـريمة كلها..

وقتها اتطمنت لأني عارف إن أختي شـ,ـيطانة فعلا, وعمرها ما خططت لحاجة ومعدتش على خير, دايما تخطيطها بيكون مناسب جدا للموقف, روحت شقتي, فتحت الباب ودخلت, وبدأت أسمع صوت في أوضتي, صوت مش مفهوم من الأساس, دخلت الأوضة وانا متحفز لقيت مراتي نايمة على السرير, مراتي اللي انا قتـ,ـلتها ولسة دافـ,ـنها من ساعة واحدة بس, وقفت قدامها مش عارف أتنفس من الرعب اللي اتملكني, وقبل ما أتحرك لقيت ولادي التلاتة داخلين الأضة يصحوا أمهم بنفس طريقتهم اللي كانوا بيعملوها, وقتها مقدرتش أتمالك أعصابي وجريت برة الشقة وخرجت منها وانا مرعوب, اتصلت بأختي وحكتلها كل حاجة, قالتلي:

– انت متأكد انك قتـ,ـلتهم ودفـ,ـنتهم
– أيوة طبعا متأكد
– يبقا انت بتتخيل وبس
وجت أختي وطلعنا الشقة من تاني, وفتشنا فيها حتة حتة, بس مكنش فيه أثر لمراتي وولادي, أختي طمنتني إن كل ده خيالات وطلبت مني أنام لحد الصبح هنا عشان بكرة ننفذ اللي اتفقنا عليه, وفعلا قررت أدخل عشان أنام من تاني, ومسافة ما نعست فوجئت بإيد عـ,ـنيفة بتهزني بقسـ,ـوة غريبة, قمت مخضوض لقيت مراتي وولادي التلاتة واقفين قدام السرير بتاعي ثابتين, والغريب إنهم كانوا لابسين لبس الخروج كأنهم رايحين مشوار..

فضلت أبص ناحيتهم وانا مش قادر أهمس, ولا أتحرك من مكاني, لقيت مراتي بتديني الجلبية بتاعتي وكأنها عاوزاني أخرج معاهم, كنت حاسس إني بدون إرادة واني لازم أتحرك معاهم فورا..
نزلت للشارع لقتهم واقفين على أول الشارع, وماشيين بهدوء شديد, وكل ما كنت بقرب منهم كانوا بيبعدوا بطريقة مخـ,ـيفة, الشوارع فاضية والجو لسة ليل, فضلت ماشي وراهم لحد ما وصلت للمـ,ـقابر, وبالأخص مقـ,ـبرتهم اللي دفـ,ـنتهم فيها, وقبل ما أقرب لقيت راجل وست واقفين قدام المقبرة دي, استخبيت بسرعة واتفاجئت انها أختي ومعاها واحد معرفوش, وسمعتها بتتكلم وبتقول:

– عاوزاك تحبس أي رسالة ممكن تطلع برة المقـ,ـبرة دي وتفضـ,ـحني, مش عايزة المدفـ,ـونة جوة تخرج الحقيقة لأخويا أبدا
– حاضر يا ست الكل بس هتدفعي كتير
– مفيش أي مشكلة, بس المهم ان اللي حصل لاخويا انهاردة وانه يشوفهم بعد مـ,ـوتهم ده ميتكررش تاني
وقتها وبدون وعي مسكت حجر ضخمة وقربت منهم بهدوء شديد وفورا نزلت بيه على راس الراجل اللي معاها, أختي اتفـ,ـزعت من المنظر وأول ما شافتني وشها بقا لونه أصفر بطريقة مرعبة, مسكت الحجر وهـ,ـددتها لو محكتش اللي حصل هخلص عليها تماما, اترعشت وبدأت ترجع لورا بس أنا مكنتش ناوي أخليها تهـ,ـرب, لازم أفهم

اللي بيدور هنا..
وقالتلي ان العيلة كلها استنت إني أخلف من أول يوم جواز, ولما عدوا سنتين كاملين بدون خلفة اتأكدت إن العيب فيا أنا, وعشان الناس مياكلوش وشنا خدت مراتي تحت التهديد لواحد دجال وعملتلها عمل, بس الدجـ,ـال اشترطت انه يعمل الفـ,ـاحشة بمراتي عشان تخلف, ومراتي وقتها كانت شبه متخـ,ـدرة, وأختي وافقت عشان تتخلص من معايرة الناس, وخلفت مراتي من الدجـ,ـال مرة واتنين وتلاتة, وكل ده بدون علمي, ولأني كنت رامي الموضوع كله على أختي, ولما العيال اتولدوا بالشكل ده قررت تتخلص منهم كلهم من خلالي وتسخني على مراتي عشان أقـ,ـتلها, وعشان معايرة الناس لينا كعيلة كبيرة ومعروفة..

مكنتش قادر أصدق اللي بتقوله ده, فضلت تتحايل عليا اهدى وانها عملت كل ده لمصلحتي أنا, وانها جابت الدجـ,ـال ده عشان يحبس حتى قـ,ـرين مراتي ميخرجش من مكانه يبلغ بالكـ,ـارثة, بس الغريب إني مشوفتش وقتها القـ,ـرين شـ,ـيطان, أنا شوفت أختي هي اللي عبارة عن شـ,ـيطان رجيم, شيـ,ـطان قرر يتعامل مع الناس على إنهم عبيد, مش بشر, ينفذوا اللي يتقالهم بالحرف الواحد, وعشان شكلها قدام أهل البلد قررت تنتـ,ـهك شـ,ـرف مرات أخوها, وتدمـ,ـر النسل, وكمان تخليني أقـ,ـتل مراتي وعيالها التلاتة..

محستش بنفسي غير وانا نازل على دماغها بالحجر لحد ما كسـ,ـرت راسها وخليتها بدون ملامح تقريبا, وروحت سلمت نفسي واعترفت بكل حاجة, المقـ,ـبرة اللي فيها 6 جـ,ـثث دي أنا اللي قـ,ـاتل كل اللي فيها, الدجال وأختي ومراتي وعيالها التلاتة, كل ده عشان عُرف فـ,ـاسد في البلد بيقول إن اللي مبيخلفش يبقا راجل معيوب, وان ده مش قضاء وقدر زي ما الدين ما بيقول, كل ده عشان المظاهر, كل ده عشان اهتمينا بالعُرف قبل الشرع والدين..
بقلم: أحمد محمود شرقاوي
………………

“وَلا تَقْتُلُوا أَوْلادَكُمْ خَشْيَةَ إِمْلاقٍ”
لو عندك أي حكاية غريبة أو مخـ,ـيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص كل اللي تعرفه عن الحكاية أو الموقف المخيف ده بدون استئذان وتأكد اني هشوف رسالتك بأمر الله..
بقلم: أحمد محمود شرقاوي ……….
متنساش لو عجبتك القصة تعمل لاف وتعليق برأيك في كومنت..
ومتنساش تمنشن أقرب صديق لك عشان يتابع معانا القصة أو شاركها مع أصحابك..
وفولو لصفحتي الشخصية لو أول مرة تتابعني عشان يوصلك كل جديد..
بقلم: أحمد محمود شرقاوي