الحما
وهو انت مين اللي قال لك اصلا ان انا هوافق لو هي اتجوزت انها تاخد العيال معاها
ندي
ودي برده ما فيهاش مشكله العيال هيتربوا هنا قصاد عينيها ما هي برده هتبقى تيجي وتزورنا
عادي
الحما
اسمعي يا ندى انا هعمل نفسي ان انا ما سمعتش اي حاجه من الكلام اللي انت بتقوليها دي وده لمصلحتك ما لكيش دعوه بالحوار ده لو عايزه تفضلي عايشه معانا هنا
في نفس البيت وبعدها قام
وليد
ايه يا ندى بس الكلام اللي انت قلتيه ده واحنا مالنا تتجوز ولا ما تتجوزش
ندي
يعني انا غلطانه يعني وبعدها طلعت شقتي
وفي بيت ماما دخل يوسف
يوسف
ازيك يا ماما عامله ايه ايه العيال كانوا ناموا ولا ايه
الام
اه يا حبيبي كانوا ناموا بس كل يوم يقعدوا يسالوا على مامتهم بيوجعوا قلبي قوي
يوسف
لما يحصل كده تاني يا ماما ابقي قولي لهم امكم راحت عايزهم ينسوها خالص
الام
يا بني هي ورقه الخلع لما جت ليك معرفتش
هي فين
يوسف
لا يا ماما لو سمحت انا مش عايزه اعرف خالص بالله عليك مش عايزك تجيبي ليا سيره البنت دي تاني
الام
خلاص يا حبيبي اللي يريحك
وفي شقه في الزمالك كان
قاعد رؤوف صاحب يوسف وجنبه نانسي مرات
يوسف الاولانيه
رؤوف
بقول لك ايه عايزك تروحي تقعدي يومين في الشقه الثانيه علشان خاطر يوسف هيجي هنا الشقه دي كتير في ما بينا شغل
نانسي
انا مش فاهمه يا رؤوف انت ازاي مخليه لسه عندك في الشركه بعد ما انا وانت اتجوزنا لو عرف مش هيحصل كويس
رؤوف
هو انتي عايزاني امشيه من الشركه ولا ايه لا طبعا انتي عارفه ان انا بستفاد من يوسف كثير
رؤوف
انا مش هعرف ابعد يوسف عن الشركة خالص ده هو
اللي شايل الشغل كله على كتافه يعنى من الاخر مش هلاقي مهندس زية
نانسي
خلاص يا رؤوف براحتك بس انا مش عايزة اتقابل انا وهو في اي مكان ابدا لأن انت عارف ممكن يعمل فيا ايه
رؤوف
طول منا معاكي متقلقيش من حاجة تعالي ندخل جوه بقا عايزك في كلمتين ههههه
عند حمايا قاعد مستني ايه تنزل من شقتها واول لما نزلت قال ليها
حمايا
جرا ايه هو انتي كل يوم تتأخري على ماتنزلي من فوق ياهانم
ايه
مانت قولتلي ابعتلك شيماء بنتي ونزلتلك يا حمايا فيه اي
الحما
اه ماهي نزلت وبعتها مشوار وراجعة كمان شويه
ايه
هما البنات مش هيترحمو من مشاويرك دي بقا ياعمي البنات صغيرة وانا خاېفة عليهم ارجوك
ارحمني بقي لوجه الله
خاېفه عليهم من ايه يا ايه البنات ناصحين وواعين وعارفين هما بيعملو ايه كويس ملكيش دعوه انتي بيهم وبعدين يا حبيبتي هما عيال ابني
وانتي مش هتخافي عليهم اكتر مني
ايه
ازاى بس ياناس دول ولادي ولازم اخاڤ عليهم ده في أيام مايعلم بيها الا ربنا ياعمي
الحما
كلمة زيادة وهرميكي في الشارع انت سامعة يابت انتي عارفه ان اقدر اخدهم منك وبعدها دخل الاوضه
ايه فضلت ټعيط وحزينة وانا نزلت من شقتي شوفتها وقولتلها
ندي
مالك يا ايه بټعيطي ليه كده اهدي بس ياحبيبتي احكيلي في ايه
ايه بټعيط
مفيش حاجة ياندي لو سمحتي سبيني في حالي
وخرج حمايا من جوه وقال
الحما
انتي هتفضلي تندبي وتنكدي علينا كل شوية يا ايه انا مبحبش كده
ندى
براحة عليها ياعمي مش كده هو انت ليه بتعملها
بالطريقه دي
الحما
انا نازل اقعد على القهوة ومش عايز اشوف وشكم نسوان نكد وسبنا ومشي
ايه
منك لله يابعيد الهي ماتوعي ترجع اسيبك انا ياندي عشان اطلع شقتي مش عايزه اقعد مع حد
وطلعت ايه وانا فضلت اعده محتارة مش فاهمة ايه اللي بيحصل في البيت ده
ورجع وليد من الشغل شافني قاعدة بكلم نفسي
وليد
مالك ياندي انتي اټجننتي ولا ايه قاعدة بتكلمي نفسك في ايه ياحبيبتي
ندى
مفيش ياوليد بس مش عارفة ايه اللي بيحصل في البيت ده في حاجة غريبة
وليد
حاجة غريبة ازاى يعنى
ندى
كل مانزل عند باباك بلاقيه بيتكلم مع ايه مرات المرحوم
اخوك بطريقة
وحشة اوي لا وكمان بيهنها وهي مستحمله كل الإهانة ليه مش عارفه
وليد
ملناش دعوة ياندي بابا طول عمرة مابيحبش حد يقولو انت بتعمل ايه ولا عايز ايه هو دايما كل حاجة بيحب يعملها من دماغه وبس
ندى
ياااه هو بابا شخصيتة قوية عليكم اوي كده
وليد
ايوه جدا ياندي اخويا محمود الله يرحمة كان بېخاف منه وبيعمله الف حساب
ندى
عشان كده مطلع عين مراتة وبناتة بس معلش ياوليد حرام عليه يعمل فيهم كده
وليد
ندى قولتلك ملناش دعوة بقا بحاجة خلينا عايشين واحنا ساكتين في البيت ده
وفي يوم كنت في المطبخ عند حمايا بعمله قهوة ولقيت شيماء بنت سلفي داخله من برة ودخلت عند جدها وقالت انا جيت ياجدو
الحما
طيب ادخلي الاوضه بسرعة وانا جاي وراكي
ولقيتة بيبص على باب المطبخ بيشوفني اخدت بالي ولا لا وراح داخل ورا البنت الاوضه وقفل الباب
انا خرجت من المطبخ وفضلت اقول لنفسي
ندي
هو حمايا بيعمل ايه مع بنت ابنه في الاوضة
هيكون بيعمل ايه يعني ياندي وبعدين مش وليد جوزى قالي ملناش دعوة بحاجة هنا يبقا ملناش دعوة خليني في حالي ربنا يهديهم
وفي بيت ماما يوسف كان قاعد معاها وقالها
يوسف
انا يمكن اسافر كمان اسبوع كده ياماما سفرية تبع الشركة ايه رايك اخد الولاد معايا
الام
ليه ياحبيبي هتاخدهم معاك هو انا قصرت معاهم في حاجة يا يوسف
يوسف
لا ابدا ياماما انتي عمرك ماقصرتي معاهم وعارف انك بتحبيهم جدا ولو كانت امهم هنا مكنتش هتحبهم زيك كده
الام
امال عايز تاخدهم معاك وانت مسافر لشغلك ليه بقا
يوسف
انا بقول اريحك من دوشتهم يومين ياماما عشان عارفك بتتعبي معاهم جامد
الام
لا ياحبيبي روح انت لشغلك وسيبهم ليا انا بحبهم ومقدرش استغني عنهم انت عارف
يوسف
ربنا يخليكي ليا ياماما مش عارف من غيرك كنت عملت ايه انا وولادي وبعدها مشي
عند رؤوف في الشركة نانسي بتقوله
هو انت مصمم برضو ان يوسف هو اللي يسافر يتابع الشغل في الغردقة يا رؤوف
رؤوف
ايوه عشان يبعد عن هنا يومين واقدر اعمل الصفقة اللي هو رافضها
نانسي
انا بس عايزة اعرف هو رافض الصفقه دي ليه مع انها هتجيب فلوس حلوه اووي
رؤوف
أصله فقري ياستي
وعمال يقولي حرام ومش
حرام والمباني هتبقا باسمنت مغشوش وتقع على الناس وكلام اهبل كده
نانسي
عارفة انه فقري طبعا هو انا خلعته من شويه ههههه طيب وانت ناوي على ايه بقا
رؤوف
ناوي ازحلقه من طريقنا يومين لحد ماتمم الشغلانة ونمضي عقود الكمبوند الجديد بالاسمنت المغشوش واهو كل حاجة باسم يوسف يعني انا في السليم بس احلى حاجة هيطلعلنا قرشين حلوين وهو يلبس بقا هاهاها
نانسي
بمۏت فيك وفي دماغك دي يا روووفه هيهيهي
وعند حمايا لقيته بيضـ,ـرب شيماء بنت ايه وبيقول
انتي بابنت الكلب وديتي الفلوس فين ها انطقي
شيماء بټعيط
والله ياجدو هي دي كل الفلوس اللي معايا مش معايا تاني
الحما
وحيات امك انت هتكدبي عليا فين يابت انطقي
وانا دخلت عليهم وقولت ليه
ندى
في ايه ياعمي انت بتضـ,ـربها كده ليه براحة على البنت مش كده
الحما
وانتي مالك انتي بقولك ايه اطلعي على شقتك وملكيش دعوة بحاجة
لقيت ايه نازله بتقول في ايه في ايه
ندى
الحقي يا ايه عمي بيضـ,ـرب شيماء وبحوشها منه بيقولي متدخلش
ايه
ايوه ملكيش دعوه ياندي ده جدها وبيربيها هو حر
الحما
شوفتي اتفضلي بقا على فوق يلا
ندي
برحتك بس سلبيتك دي اللي عامله
فيكي وفيه عيالك كده انتي حره يا ايه وبعدها
وسبتهم وطلعت فوق ولما وليد رجع قولتله
انا مش قاعدة في البيت ده ولا دقيقه ياوليد وهمشي اروح عند ماما
وليد
ايه ده هو ايه اللي حصل ياندي بس
ندى
نزلت لقيت باباك ماسك بنت اخوك ونازل فيها ضړب ولما بحوشها منه زعقلي والغربية ان مرات اخوك
خلاص اذا كانت صاحبت الشأن قالتلك انتي مالك يبقا بتدخلي ليه
ندى
يانهار اسود يعني اشوف الظلم واسكت ياوليد لا ده بجد في حاجة غلط فعلا
وليد
ايه الغلط في كده مش فاهم انا وبعدين البنت ملهاش اب ويعتبر ابويا بيربيها بدال ابوها خليكي في حالك ياندي وعيشي
ندى
انا دماغي ھتنفجر من اللي بيحصل ده انا مش هنزل تحت تاني عشان متزعلش مني تمام كده
هاروح عند ماما يومين وارجع.
ورحت عند ماما واعده معاها بحكيلها قالتلي
الام
يابنتي هما احرار في عيالهم ما تخليكي في حالك
با ندي
حماكي ده شكله
صعب اوي خليكي
في نفسك يا بنتي وملكيش دعوه
ندى
ياماما ده كان ھيموت البنت في ايده دي طفله يضـ,ـربها كده ليه يعني
الام
برضو ملكيش دعوة
ندى
هو انتي يعنى ينفع ټضـ,ـربي عيل من عيال يوسف اخويا معتقدش انك تعمليها
الام
انا عمري طبعا دول حته من قلبي دول بس هو في ناس قلبها جامد ياندي ولا بيهمهم
وساعتها دخل يوسف وقال
اهلا ندووش نورتي البيت امال وليد مجاش معاكي ولا ايه
ندى
لا يايوسف مجاش انا جيت لوحدي اقعد معاكم يومين
يوسف
بيتك ومطرحك ياحبيبتي بس اوعي يكون وليد مزعلك ولا حاجة
ندى
لا ابدا مش وليد بس العيشه في البيت هناك
بصراحه بقت لا تطاق وانا مش عايزه
اعيش هناك تاني
يوسف
يعني مش وليد امال مين ياندي اتكلمي فيه اي
الام
تصور يايوسف اختك زعلانة ومضايقه عشان حماها كان بيضـ,ـرب بنت ابنه اللي اتوفى وهي بتحوش عن البنت حماها قالها ملكيش دعوه
يوسف
ويضـ,ـربها ليه يا أمي المفروض انها طفلة يتيمة وهو يحن عليها بدل ما يضـ,ـربها
ندى
هو ده بقا اللي بقول عليه يايوسف مخلصتش منه هو وابنة
يوسف
ايه اټخانقو معاكي قوليلي وانا اروح اجبلك حقك منهم
ندى
لا ياخويا مش للدرجة دي بس البنت صعبت عليا ولما قولت كده مامتها نفسها تقولي جدها وبيربيها
يوسف
خلاص يبقا هما احرار
وساعتها جاله تليفون وقال ايوه يارؤوف ودخل يكمل كلامه جوه وانا قولت لماما
ندى
الراجل اللي اسمه رؤوف ده انا مش برتاحله خالص ياماما مش عارفه ليه
الام
ليه بس ياندي حتى ده كمان ده اخوكي بيحبه وبيقول عليه صاحب جدع
ندى
ربنا يستر والله
عمري ماشوفت حد جدع غير
يوسف اخويا وبس انا هادخل اغير هدومي واريح شوية
وبعدها بيومين يوسف قال انه مسافر وفعلا سافر وساب ولاده عند ماما وانا بقيت اروح عند ماما عشان مش هتقدر على الولاد لوحدها وفي يوم كنت راجعة من عند ماما ووليد كان قاعد مع حمايا
الحما
هي مراتك كل يوم والتاني رايحة عند امها ليه ياوليد هو مقصر معاها وبتروح تاكل عند امها ولا ايه
وليد
لا يابابا بس اصل اخوها مسافر وحماتي اعده بولاد اخو ندى لوحدها فندي بتروح تساعد معاها شويه
الحما
طيب خليها تخف بقا من المرواح عشان زودتها
اوي والست ملهاش غير بيت جوزها
وليد
حاضر يابابا هو خلاص اخوها قرب يرجع اصلا عن اذنك انا طالع شقتي
ندي
كويس انك طلعت انا عايزه امشي ومش
عايزه اعدي علي الشقه اللي تحت قولت
لما تطلع احسن
وطلع وليد وقالي
وبعدين ياندي مش كفاية مرواح عند مامتك بقا
ندى
ليه ياوليد بقا هو انا قصرت هنا في بيتي في حاجة ولا ايه
وليد
ابدا يا قلبي بس انتي عارفه مبقدرش استغني عنك ابدا
ندى
حاضر ياوليد وبعدين كلها يومين بس ويوسف اخويا يرجع بالسلامة ومش هاروح بقا
نانسي
عملت ايه ياروووف خلصت الأوراق كلها ولا ايه البومة ده خلاص قرب يرجع
رؤوف
اطمني كله في التمام وهيرجع يلاقي كله متظبط ولو فتح بوقة بكلمة بس هيروح ورا الشمس
نانسي
ربنا يستر انت اصلك متعرفش يوسف لما بيطلع في شره بيبقا عامل ازاي
رؤوف
أعلى ما في خيلة يركبة هو اصلا هيخاف من الحكومة والنيابة استني ده بيرن عليا
رؤوف
ايوه يا يوسف خلصت المامورية عفارم عليك ياباشمهندس
يوسف
تسلم يا رؤوف بصراحة الشغل جميل جدا والجو مساعد الواحد انه يقعد اكتر كمان
رؤوف
خلاص ياحبيبي ادي لنفسك اجازة كام يوم وخليك عندك اتفسح وروق على نفسك
يوسف
حبيبي يا رؤوف والله انا مش عارف اودي جمايلك دي فين ياصاحبي
رؤوف
ياعم انت اخويا متقولش كده
وقفل مع يوسف المكالمة ونانسي قالتله
ههههه بمۏت فيك وانت بتخطط كده
شيماء
انا مش عايزة انزل عند جدو تاني خالص ولو سالك عليا قوليلو اني مش هنا
ايه
ليه بس يا شوشو ده جدو بيحبك اوي انتي وشاهنده اختك
شيماء
لا مش بيحبنا وبيضـ,ـربنا وبيفكر اني بكدب عليه وانا مش بكدب عليه امبارح ضړب شاهنده على رجلها وهي مرضتش تقولك
ايه
حسبي الله ونعم الوكيل فيه معلش ياحبيبتي نستحمل شوية
شيماء
ماتيجي نمشي من هنا ونروح بيت تاني ليا انا وانتي وشاهندة بس وهو ميكنش معانا
ايه
حاضر ان شاء الله اشوف بيت ونروح فيه انا وانتي وشاهنده بس
شاهنده
بجد يا ماما بس بسرعة ومتخليش جدو يعرف مكانا
ايه
لا طبعا مش هيعرف متخافوش ياحبيبي
وفي الوقت ده خبط على ايه وفتحت وقالت
ايه
اهلا يا ندى اتفضلي
دخلت و
قعدت معاها وحـ,ـضنت البنات وقولت لايه
ندي
نفسي تثقي فيا وتعتبريني زي اختك وتحكيلي كل اللي
جواكي واللي بيحصل معاكي
ومتخبيش عليا حاجة
ايه
وهو انا هخبي ايه ياندي يعنى انا مفيش حاجة عندي خالص
ندى
لا يا ايه انا حاسه انه في حاجه جواكي مخبياها طيب هسال البنات تعالي ياشوشو هسالك على حاجة هو جدو بيبعتك فين انتي وشاهنده اختك ولما بترجعو بيضـ,ـربكم
شيماء بصت لمامتها وايه غمزتلها وشيماء قالت
لا مش بيبعتنا في اي مكان ياطنط لا
ندى
ماتسيبي العيال تحكي يا ايه انتي ليه بتخوفيهم
ايه
عشان مفيش حاجة يحكوها ياندي ولو سمحتي سبيني في حالي انا وبناتي انا مش ناقصه مشاكل
ندى
