يخف !! ليه ماله جدك
يا بابا هو أنت نسيت ..مش هو كلمك أمبارح و..
لساني وقف عن النطق لما افتكرت أن بابا اصلا
في محافظة تانية مأمورية تبع الشغل ومش هيرجع
ألا الجمعه !!
في ايه يا مؤمن سكت ليه
ها..لا مفيش
جدك ماله حصله أيه
شوية تعب والدكتور كتب له
على علاج ..انا كلمتك
عشان اقولك اني هقعد معاه الكام يوم دول لحد ما يخف
طيب تمام ..لو أحتجت فلوس قولي وانا هبعتلك
لا أطمن معايا ..شكرا يا بابا
رجعت البيت وقولت لازم أواجه جدي
كان معايا نسخه من المفتاح
جدي يا جدي
انا هنا يا مؤمن
دخلت اوضته …وسلمت عليه واطمنت انه بقى كويس
في حاجة مهمه عايز أسألك عنها يا جدي
خير يا بني في ايه
امبارح بعد ما سبتك ودخلت أوضتي سمعتك بتندهلي
دخلت اشوفك ..لقيتك نايم ولما رجعت أوضتي
لقيتك نايم في سريري ..وبعدها قولتلي روح أفتح الباب لأبوك ..وعرفت منه انه كلمته وقولتله انك تعبت
قاطعني وقال
ولما كلمته بعد الجامعه ..عرفت منه انه مكنش يعرف
أصلا بموضوع مرضي ودا غير أنه مسافر ومش هنا
بس انت من لخبطتك مخدتش بالك ليلتها
بصيت له وانا مندهش ..
جدي انا لازم افهم هو في ايه
أولا انا مش جدك ..
نعم !!..اومال أنت مين
حسيت لون وشه ابتدا يحمر ووقف من مكانه
وضهره أتنصب ..وهو اصلا محني
صوته أتغير وقالي ..تحب تعرف فعلا أنا مين
دقات قلبي زادت وحسيت بسخونه في الأوضة
وبعدها سمعت صوت الباب بيتفتح
خرجت للصالة لقيت جدي راجع من برة ومعاه ضيف
طب ازاي !
في ايه يا مؤمن ..مالك واقف مبرق لي كدا
اصل ااا
أصل ايه ما تتكلم
ممكن دقيقة يا جدو من فضلك
قال للضيف اللي معاه اتفضل هنا يا بني
البيت بيتك ..انت مش غريب
دخلت اوضته وقولتله في حاجة غريبة بتحصل هنا
في ايه
حكيت له كل حاجة ..وقولتله فهمني يا جدي في ايه
ملامحه ظهر عليها الضيق وقالي طيب خلاص
انا هفهمك كل حاجة ..بس مش دلوقت
لا انا عايز اعرف دلوقت
طيب يا مؤمن بس يمشي الراجل ونتكلم
راجل مين دا
دا راضي ابن صاحب البيت وانا كنت مستلف منه مبلغ
مستلف منه ..طب ليه
هفهمك بعدين
خرج جدي وقعد مع الراجل وقاله معلش اتاخرت عليك
هو بصراحه انت اتاخرت اوي يا حج ..بس في سداد الدين اللي عليك ..وانا عشان خاطر العشرة اللي بينا
ساكت ومتحمل ..وكل مرة تقولي الشهر الجاي
وشهر يجر شهر و الموضوع ملهوش اخر
فلوس ايه دي يا جدي عايز أفهم
دا حفيدك يا حج !
اه حفيدي مؤمن
انا اقولك يا مؤمن شكلك متعلم وواعي
جدك من 6 شهور خد مني مبلغ 120 ألف جنيه
وقالي كلها شهرين وهردهم لك 150 الف
قولت وماله مفيش مشكلة…مضيته على وصل امانه
بالمبلغ عشان اضمن حقي
.فات الشهرين ..ووراهم 4 شهور زيهم..وجدك لسه بيماطل
120 ألف جنيه عملت بيهم ايه
عمك حسن كان مديون وكان هيتحبس وكان لازم أقف جنبه وافك ضيقته
طب وكنت هتسدد أزاي
عندي حتة أرض في البلد كام قيراط كدا كان المحامي قالي انها على وشك انها تدخل كردون مباني وهتتباع بالمتر
قولت استلف الفلوس وأساعد ابني على ما الارض سعرها يزيد…بس للأسف الأرض لسه مدخلتش كردون مباني
ومازالت زراعية
أهو نفس الكلام بسمعه منه كل مرة
انا دلوقت عايز فلوسي ومش هصبر تاني
طيب يا معلم راضي ممكن بس تهدا عشان نتفاهم
نتفاهم ايه..مفيش تفاهم فلوسي لازم ترجعي
انا مش هستفيد حاجة لما اقدم وصل الأمانه
للنيابة وتتحبس ..حبسك مش هيرجعلي فلوسي
حاضر يا بني ..قريب هتفرج
قريب ايه يا راجل يا خرفان انت ..تصدق انا غلطان
اني طاوعتك ووافقت أسلفك
اتكلم بأدب يا عم انت ..ايه خرفان دي
وبعدين هو انت ساعدته لوجه الله يعني مانت واخد
فايدة عليهم 30 ألف ..
قالي بغضب
تصدق أنك عيل قليل الرباية ..بتغلط فيا وفين في بيتي وفي منطقتي وكمان مداين جدك ..انت جنيت على روحك يا حيلتها…وفجأة طلع مطـ,ـوه من جيب بنطلونه وفتحها عليا
جدي أدخل مابينا وقال
معلش يا بني حقك عليا ..دا ولد صغير ميقصدش
انا مش صغير يا جده وبعدين انت بتقوله معلش ليه
هو اللي غلط فيك الأول
سامحني يا راضي يا بني ..وأنت تخرس خالص
أسامحه…حاضر بس لما احط توقيعي على وشه المسمسم
دا بالمـ,ـطوه بتاعتي ..عشان يعرف هو غلط في حق مين
قرب مني وحاول يضـ,ـربني بالمطـ,ـوه في وشي لكن انا تفاديتها بسرعه ولكمته في بطنه ..بص لي بغيظ وهجم مرة تانية عليا
وجدي بيحاول يهدينا
ابعد انت يا جدو
ضـ,ـربني برجله في بطني وقعني على الأرض
بعدها قرب مني وقال
وقعتي يا حلوة ولاحد سمى عليكي
ولسه هينزل بالمـ,ـطوه عليا ..جدي ضـ,ـربة بالكرسي
على دماغه ..وقعت منه المـ,ـطوه ..فمسكتها بسرعه
هات يا حبيبي احسن تعور نفسك
خبطته برجلي بين رجليه ..الضـ,ـربة وجعته جدا
صرخ بشده وبعدها وقع فوق مني
ولسوء الحظ المطـ,ـوة رشقت فيه وغرزت جوه قلبه
شهق شهقه عالية وبعدها قطع النفس.
الدـ,ـم بتاعه غرق قميصي ..رفعته من فوقي بصعوبة لأن كان جسمه مليان
وقفت مذهول وانا مش مصدق اللي حصل
حطيت ايدي على رقبته ..مفيش نبض
جدي دا مات يا جدي …هنتصرف أزاي دلوقت
ششششش وطي صوتك
قرب مني وقالي أنا عايزك تهدا خالص
وانا هتصرف
تتصرف يعني ايه ..دا قتيل احنا روحنا في داهية
قولتلك أهدى يا مؤمن
فكر شوية وبعدها قالي
عايزك تدخل أوضتك وتغير هدومك دي
وبعدها تنزل ترجع بيتكم وأنا هتصرف
أزاي دا ..انا لا يمكن اسيبك و..
اسمع كلام جدك ومتتعبنيش معاك
اضطريت اسمع كلامه لأني مفيش قدامي غير كدا
رجعت البيت ولما شافوني حالي متغير سألتني ماما
مالك يا مؤمن فيك أيه . انت تعبان
لا يا ماما انا كويس
طب وجدك عامل ايه
جدي كويس ..كويس يا ماما
دخلت أوضتي وقفلت الباب ومردتش على ماما
وهي بتقولي طيب أجهزلك العشا
كنت هتجنن ..وانا بفكر في كل الاحداث اللي حصلت دي كلها
جدي مخبي سر
خطير ..ودلوقتي في جـ,ـثة في شقته
ومش عارف هيتصرف فيها ازاي
حاولت أشغل نفسي في المذاكرة ..بس معرفتش
شكل راضي وهو بيمـ,ـوت قدامي ومنظر الدـ,ـم
اللي غرق هدومي مش قادر أنساه
فتحت الفيس وفضلت اقلب فيه شوية
سمعت اغاني ..حاولت أعمل اي حاجة تخفف قلقي وتوتري
لكن معرفتش..حاولت أنام وفضلت أتقلب في سريري
وفي النهاية قررت أني أروح لجدي علشان
اشوفه واقف جنبه في المصيبة دي ..مكنش يصح ابدا
اني أسمع كلامه وأسيبه في الموقف دا ..مهما حصل
وصلت بيت جدي بعد نص الليل ..ولما دخلت الشقة
ملقتش الجـ,ـثة في الصالة ..كان جدي قاعد على كرسي
خشب وملامحه هاديه تماما
انت ايه اللي جابك
ماهو ماكنش ينفع اسيبك اصلا وأمشي
انا قولتلك هتصرف
واتصرفت
_
جدي ..وديت جـ,ـثة راضي فين
بص لي وشاور للحمام
جريت بسرعه على الحمام ووقفت مذهول
انا لقيت جـ,ـثة راضي متقطعه ..أكبر قطعه في جسمه
أد كف اليد ..ومتجمعه في البانيو ..الدـ,ـم مغرق الأرضيه والحوائط ..المنظر كان بشع تماما
خرجت لجدي وانا بقوله
ليه كدا يا جدي ..مش كفاية اننا قـ,ـتلناه
كمان مثلت بجـ,ـثته ..
رد بعصبية وقال
انت مقـ,ـتلتش حد..دا كان دفاع عن النفس
دلوقتي الموضوع أتعقد أكتر
كان ممكن الأول نقول دفاع عن النفس
انما دلوقت ملهاش حل
لأ ..ليها حل
مش فاهم
عايزك بكرة بعد الجامعة تروح وتجيلي بعد يومين بالظبط
ليه يا جدي
اسمع اللي بقولك عليه وبطل منهاده
طيب بس عرفني هتعمل ايه
لما تيجي هتعرف كل حاجة
بالفعل غبت يومين ورجعت لجدي
وقالي انه اتخلص من الجـ,ـثة خلاص
طب ازاي
مش مهم أزاي المهم أني اتخلصت منها
طب واهله اكيد قالبين عليه الدنيا
يقلبوا..احنا منعرفش عنه حاجة
دخلت الحمام بعدها بشوية ..واتفاجأت أن لون البلاط أتغير
فهمت على طول اللي حصل
جدي ..انت غيرت البلاط دا ليه
مفيش اهو تغيير
لأ..انت دفـ,ـنت راضي في الحمام
ايوه … انا كسرت البلاط وخبيت تحت الرمل
اشلاءه ..وغطيته بطبقه تانية
جبت سباك غريب مش من المنطقة..وطلبت منه
يبلط على البلاط القديم ..
قالي كدا الحمام هيعلى ..لازم تطلع البلاط القديم
قولتله ملكش فيه ..وحاسبته ومشي
انا مش متخيل انك عملت كل دا !!
صدقني كان غصب عني
غصب عنك أزاي ..انا عاوز افهم
بعدها رن موبايلي ..لقيت ماما بتقولي اخوك الصغير
تعب ولازم تيجي بسرعه عشان تاخد المستشفى
دور سخونه جامد اخويا اتحجز يومين
على ما رجع بابا من السفر كان اخويا اتحسن الحمدلله
في الوقت دا أهل راضي كانوا قالبين الدنيا على ابنهم
منظر امه ومراته كانوا يقطعوا القلب
ابوه بقى بيمشى يكلم نفسه في الشارع ..فات أسبوع
ولا حس ولا خبر عنه
كنت حاسس اني مشارك في الجـ,ـريمة ب سكوتي على جدي
بس لو اتكلمت جدي هيروح في داهية وانا كمان مستقبلي هيضيع..عشت أسود أيام حياتي حرفيا
في اليوم العاشر لأرتكاب الجـ,ـريمة
قررت أني أروح لجدي ..علشان نروح انا وهو للقسم نسلم
نفسنا ونعترف بالجـ,ـريمة ..واللي يحصل يحصل
لما وصلت للعمارة اللي فيها بيت جدي لقيت ناس كتير وعربية شرطة واسعاف .. هو ايه اللي حصل
بعد شوية نزل جدي وهو متكلبش وركب البوكس
وسمعت واحد من الجيران بيقول
بقى الحج عبدالقادر يطلع منه كل دا
يقتـ,ـل ويقطع الجـ,ـثة ويخبيها في الحمام تحت البلاط
رد عليه واحد تاني وقاله
وهو لولا أن الدـ,ـم بتاع جـ,ـثة القـ,ـتيل رشح
من السقف ونقط على حمام الجيران
كان حد عرف بعملته دي
جدي ..سلم نفسه قبل ما أوصل
بسرعة كلمت بابا وقولتله جدي متهم في جـ,ـريمة قتـ,ـل
طلعنا على القسم ..للأسف الظابط رفض يخليني اشوفه
وصل بابا ومعاه المحامي ..دخلوا وانا كنت مستني برة
أزاي الامور وصلت لكدا
