مسكت بطني وجريت وراه
أستنى يا كمال انت متعور ..
أتصلي بالشرطة يا هايدي ..بسرعه
وجريت ورا التاني ..بكل قوتي
رجعت شقتي بعد ما نفسي اتقط/ع
من الجري ورا البلطجي التاني ..اللي قدر يفلت مني بصعوبه ..
رفعت القميص وبصيت مكان الرصاصة اللي اخترقت بطني ..مكنش ليها أي أثر خالص
مش دي المشكلة ..المشكلة اللي بجد
هايدي هتعمل ايه لما الظابط يسألها عن اللي حصل
وتقولهم أني الساكن اللي قصادها هو اللي ساعدها
فيأكدوا ليها أن الشقة دي مهجورة من سنين
ومفيش حد ساكن فيها ..أسمه كمال أصلا
كنت براقب نظراتها من ورا الشباك وهي بتتصل عليا
وبتسمع صوت رسالة صوتية بتقول
الرقم الذي طلبته خارج نطاق الخدمة !!
في الصبح صحيت على رسالة من تليفونها
فتحتها بسرعه ..كان مكتوب فيها
صباح الخير يا كمال انت ليه مردتش على اتصالي
امبارح ..خير ؟ ياريت تطمنى .
فعلا كانت متصلة عليا أكتر من 10 مرات
أتصلت بيها بسرعه ،واول ما سمعت صوتها
انتي كويسه ؟
اه انا بخير ..مالك !!
اووووف الظاهر انه كان كابو*س
كابو*س ايه مش فاهمه حاجه؟
هحكيلك لما ترجعي .
كلمتها بالليل وحكيت لها عن الكابو*س اللي شوفته
فضلت تضحك بشكل هستيري ..وقالت
كل دا في الحلم ..بلطـ,ـجية هجـ,ـموا على شقتي
وانت انقذتني وفي الاخر طلعت ش*بح في اخر الكابو*س
بس بقى يا هايدي بطلي تريقة ..دا كان كابو*س وحش اوي
طيب خلاص متزعلش ..بس هو رغم انه نهايته وحشه
بس أثبت لي أنك هتدافع عني وتحميني
وهتكون سند ليا كمان
اتكسفت منها ومعرفتش أقولها ايه
ايه ؟؟اوعى يكون دا في الحلم بس !
ضحكت وقولتلها ..لا طبعا وفي الواقع كمان
بعد كام يوم ..تعبت كان عندي دور برد شديد ..قلب بكحه وـ,,ــــسخونية
هايدي لما عرفت قررت تزورني
اتفاجأت لما رن الجرس و فتحت الباب لقيتها قدامي
ايه بقى يا استاذ هتقلقنا عليك ليه
مش دور برد دا اللي يعمل فيه كل دا
هايدي!!
ايوه اومال عفريتها
ايه هتسيبني واقفه كتير ع الباب
لا طبعا اتفضلي ..بس انتي عارفه اني عايش لوحدي
وخايف عليكي من كلام الناس
يا سيدي اللي يتكلم يتكلم ..انا طالما واثقه فيك
وفي نفسي اولا ميهمنيش حد..كلامهم على الجزمة
الوقت كان 9مساء..لما زارتني
عملت لي كمادات وطلبت دليفري من برا على حسابها
وقولتلها كدا كتير ..مش كفاية الكمادات
كمان هتعزميني في بيتي
ياسيدي مفيش فرق ما بينا
أكلنا وفضلنا نضحك ونهزر ..وحسيت نفسي بقيت أحسن
بوجودها جنبي ..من زمان محستش الأحساس دا
بصيت ع الساعه كانت عدت 11 ونص ..قولتلها
انا شايف أن الوقت اتأخر ..ومش عايزك تقعدي اكتر
من كدا ..خايف حد يشوفك خارجه من عندي في وقت متأخر يقول وعنك كلمة كدا ولا كدا
زعلت من كلامي ..وقالت انت بتطردني
يا كمال!!
لأ والله مش قصدي بس ..
بس ايه !! تصدق انا غلطانه اني جيت عشان أطمن عليك
خدت الشنطة ونزلت جري من عندي
جريت وراها ..وانا بقولها استني بس ..انتي فهمتي غلط
انا خايف عليكي صدقيني
كنت تعبان لسه وحركتي كانت بطيئة عنها ..دخلت العماره
وسبقتني ..طلعت وراها
وقفت قدام باب شقتها وانا متردد
فضلت أرن الجرس ..مش بترد
خبطت كذا مرة ..مش عايزه تفتح
أرجوكي يا هايدي ..متزعليش مني..انا مش قصدي
هايدي ..أفتحي طيب ..طب ردي عليا
مفتحتش ولا حتى عبرتني
فضلت أخبط..لحد ما لقيت حد نازل من الدور اللي فوق
قالي بأستغراب
عايز مين يا أستاذ ؟
مفيش انا كنت عايز اقول حاجه لمدام هايدي
مدام هايدي!!
ايوه ؟
حضرتك الشقة دي مهجورة من 7 سنين
صحابها سافروا الخارج ولسه مرجعوش
ومن ساعتها وهي مقفولة
بصيت لأيدي ..لقيت تراب عليها من أثر الخبط
على الباب….واضح فعلا انا شقه مهجورة
نزلت جري على السلم وانا مش مصدق
فضلت الف وادور حولين نفسي وبعدها
طلعت موبايلي واتصلت عليها
واتصدمت وانا بسمع جملة
الهاتف الذي طلبته خارج نطاق الخدمه !!
تمت
\#خارج\_نطاق\_الخدمة
\#حماده\_هيكل
أتمني القصة تعجبكم..
حاول تشارك ب
( لايك \_ كومنت \_ شير \_منشن )
ولو لسه مش متابع الصفحة يشرفني إنك تعمل متابعة
وتقرأ القصص التي فاتت وتستنى القصص الجاية
