رعاية خاصة
لما اتجوزت في المرة التانية كل الناس قالولي إني محظوظة وإني هرتاح بقية عُمري، وإن مش أي واحدة مُطـ,ـلقة بيجلها واحد مرتاح زي (أمجد) وده لأنه كانت فيه كل المواصفات اللي تتمناها أي بنت، مهندس وبيشتغل بقاله سنين في دولة من دول الخليج، مرتاح ماديًا بصورة غير طبيعية، وكريم كرم مُبالغ فيه..
ولما جه يتقدملي قال إنه مش هيكلفني جنيه واحد، هيشتري شقة في القاهرة، شقة محترمة وجاهزة من الإبرة للصاروخ وهيدفع مهر كبير أشتري منه هدومي وأشتري منه دهب لو عايزة وأخلي الباقي معايا، وكمان وعدني إنه قريب هيقدر ياخدني معاه للبلد اللي هو فيها ونعيش هناك..
أحلامي كلها لقتها بتتحقق ما بين يوم وليلة، غير إني اتعلقت بيه تعلق غير طبيعي، وكان المُقابل حاجة بسيطة، أخلي بالي من ابنه (سيف) لأن الوضع معاه بقا صعب ومش قادر يراعيه وموقف شغله بقاله شهور، وقالي إن الوضع ده هيستمر فترة بسيطة لحد ما يقدر يخلص ورقي وورق سيف ونسافرله، وأنا وافقت، وافقت لأن مكنش عندي أطفال وكنت بتمنى في يوم من الأيام يكون عندي طفل..
وفعلًا عملنا الفرح في أسبوعين وقعد معايا أسبوعين كمان وبعدها سابني مع سيف وقالي إن كل حاجة مُجابة مهما كانت، وإن فيه ممرضة بتيجي تبص على سيف كل أسبوع وبتشوفه وتطمن عليه لأنه عنده حساسية على الصدر وضيق في التنفس ومحتاج جلسات أكسجـ . ـين من وقت للتاني والممرضة بتيجي تخلص كل حاجة..
وكل اللي كان بيشترطه عليا إني أحافظ على الولد طول الفترة دي مش أكتر، وأبلغه بأي حاجة ممكن تحصل، وفعلًا لقيت نفسي مع الولد اللي اتفاجئت إن معمول له جدول كامل، يوميًا إما مُعلمة بتجيله البيت أو الممرضة أو أخصائيين نفسيين، جدول كامل بحصص ومواعيد معينة، وأنا كل اللي عليا أراعي الولد ولو حصل أي مكـ,ـروه أبلغ أبوه، وعلى العكس كنت فاكرة إن الولد هيكون مُتعب وشقي لكنه كان هادي هدوء تام..
مبيعملش أي مشاكل، طول اليوم إما في الحصص مع المعلمين أو في الأوضة بتاعته بيلعب ألعاب الألغاز والذكاء، ولما كلمت أبوه قالي إن الولد عبقري وإن هيكون له شأن كبير عشان كدا هو بيحاول يراعيه بكل الطُرق، ولولا إن البلد اللي هو فيها إجراءات نقل الأطفال فيها بتاخد وقت وصعبة كان خلص الورق بسرعة لأن ورق الزوجة أسهل من ورق الأطفال بكتير..
وكملت الحياة بصورة طبيعية تمامًا لحد ما بدأت ألاحظ إن الطفل بيتعب كتير أوي، والممرضة كنت بلاحظ عليها كل فترة إنها مخضـ,ـوضة، وكنت بكلمها واسألها فكانت بتقولي إن حالة الولد صعبة وبقا محتاج جلسات أكسجـ .
ـين بصورة أكبر، ولما كنت ببلغ والده كان بيطلب مني أروح مستشفى معينة وكنت بروح وبرجع وبطمنه.. ومع ذلك فضلت حالة الولد تسـ,ـوء أكتر وأكتر لحد ما تعب مرة بالليل بصورة صعبة وفضل يستغـ,ـيث وينادي عليا، ولما كلمت الممرضة جتلي بسرعة وجرينا على أقرب مستشفى قريبة واللي كانت المستشفى اللي بتشتغل فيها الممرضة، ولما حاولوا يسعفوه حالته اتدهـ,ـورت أكتر وخلال دقايق كان وقع في غيـ,ـبوبة واتـ,ـوفى في النهاية، خلال ساعة كانت الممرضة خارجة وشها أصفر وبتقولي إنه خلاص مـ,ـات..
ولقتها بتجري في إجراءات الدفــ .
ــن وخلصت الورق وخدنا الولد على البيت، كل ده وأنا بحاول أتواصل مع أبوه لحد ما رد عليا الصبح، طبعًا كانت صـ,ـدمته غير طبيعية وكان محتاج مش أقل من 48 ساعة عشان يقدر ينزل، وكان الطفل لازم يتدفــ . ــن في أقرب وقت، اتواصل مع ابن عمه عشان يقف معانا وبعد معـ,ـاناة معاه وافق في النهاية إن الطفل يتدفــ . ــن بس شرط نستنا ابن عمه اللي سافر من بلد تانية عشان يجلنا واللي مشوفتوش ولا مرة في حياتي تقريبًا..
غسلنا الولد وكفـ,ـنَّاه واستنينا ابن عمه اللي جه بص عليه بصة الوداع وخدنا الولد ودفــ . ــناه جمب جدته أم أبوه، ومفيش أي حد تاني حضر الجـ,ـنازة من أهله لأنه كان مقـ,ـطوع تمامًا عن أهله، فضلت أواسي جوزي طول اليوم في التليفون وقعدت في الشقة حاسة بإحساس غريب أوي ومش مفهوم، يمكن أكون حـ,ـزينة بس فيه إحساس تاني مش مفهوم..
وبعد يومين بدأت أحداث غريبة أوي تحصل في الشقة، كنت بسمع صوت الطفل وهو بيكح وبينادي عليا عشان يركب جهاز التنفس الصناعي، كنت بقوم من النوم مخضوضة وأدور عليه بس مكنتش بلاقيه، في الأول كنت فاكرة إنها مجرد كوابيس بس الموضوع بقا مُرعب ومُخيف بطريقة غير طبيعية..
وفضلت على الحال ده يمكن شهر كامل، عايشة في رعـ,ـب ما بعده رعـ,ـب لحد ما جالي تليفون من جوزي المسافر، وأول ما كلمته لقيت وصلة شـ,ـتايم مسمعتش زيها يمكن في عمري كله، جوزي اكتشف كل حاجة حصلت وكل حاجة عملتها وعرفت إن الشرطة هتقبـ . ــض عليا خلال دقايق بس..
خدت حاجتي وكل حاجة قدرت أسـ,ـرقها من الشقة وهـ,ـربت من المكان كله وملقتش غير أوضة إيجار في مكان شعبي قدرت استخبى فيها عشان الأمور تهدى، وغصـ,ـب عني بدأت أفتكر كل حاجة..
كنت بشوف جوزي بيصرف على ابنه مبالغ جبارة في الدروس والرعاية، وكمان كنت بشوفه العقبة اللي موجودة قدامي عشان أقدر أسافر لجوزي وأعيش معاه، لأن ورقي كان سهل يخلص إنما ورقه فالموضوع محتاج وقت ومعقد جدًا، بس برضه مكنتش هقدر أتخلص منه بالقـ ـتل، فقررت أبيعه، بعته محافظة تانية لحد قريبي عشان يعيش هناك ووعدته بمبلغ كويس مقابل إن الولد يعيش فترة معاه وبعدين يبيعه لأي حد يتبناه، وهو لسة صغير ويادوب بيتكلم ومش هيقدر يقول حاجة..
واتفقت مع الممرضة إني هدفعلها مبلغ كبير وترسم معايا موضوع مــ . ــوته ده كويس أوي وتخلص كل إجراءات الدفــ . ــن وكأن الولد دخل وخرج ميـ,ـت فعلًا، وعشان ابن عمه كنت عارفة إنه ممكن يجي جبنا ولد صغير خدرناه وكفـ,ـناه وقولنا يتدفــ . ــن وكلمنا التُربي يطلعه بعد الدفــ . ــن بنص ساعة بس..
وفعلًا كل حاجة مشيت كويس أوي إلا حاجة واحدة، بعد يومين كلمت التُربي وعرفت إنه نسي يطلع الولد من التربة، راجل حشـ,ـاش هيفتكر أيه ولا أيه، ولقيت نفسي متـ,ـورطة بجــ. . ـريمة قــ . ـــتل، خدرت طفل ودفــ .
ــنته، وفضلت أهاود في ضميري لعل وعسى الأمور تهدى شوية، بس الغريب إني بدأت أشوف الأحداث الغريبة دي بتحصل معايا كل شوية، لحد ما جوزي كلمني وقالي إن ابنه هرب من قريبي واتكلم مع ناس في الشارع وراح القسم واتواصلوا معايا في النهاية وإنه بلغ عني..
وفضلت حيرانة ازاي ابنه عايش وأنا فضلت أشوف الأحداث الغريبة دي كل شوية، الأحداث اللي فضلت مستمرة معايا وقت طويل، كوابيس، أصوات، خـ,ـربشة، وحاجات بشوفها ومش قادرة أحدد هويتها، لحد ما زورت واحد مبروك والناس بتروحله وقالي إن السبب هو قتـ ـل الطفل الصغير ولازم أروح القبـ . ـر وأطلعه من هناك..
وإنه هيروح معايا بس كله بمقابل، ولما وصلنا هناك وعلى مدخل القبـ . ـر بالظبط لقيت الشرطة منتظراني هناك، وعرفت إن الشيخ بلغ عني بعد ما اتواصل مع جوزي وخد مبلغ محترم منه، ولما فتحوا القبـ . ـر لقوا فعلًا جـ . ــثه الطفل اللي خدرناه ودفــ .
ــناه..
حياتي كلها اتدمـ,ـرت في أيام زي ما اتبنت في أيام، أحيانًا لما الدنيا بتديك كل حاجة بتكون دي أكبر فتنة ليك وبتكون سبب هلاكك، عشان كدا ربنا بيمنع عننا حاجات كتير لأنها شر لينا، رغم إنها في الظاهر خير، وأنا فضلت ألح وأدعي عشان اتجوز وأسافر وأكون غنية، ولما كل حاجة جتلي بقا كل ده سبب إني أكون طماعة وطمعي يتسبب في مــ . ــوتي، ياريتني رضيت وقولت الحمد لله كان زماني مالكة الدنيا كلها دلوقتي..
بقلم: أحمد محمود شرقاوي
………… بقلم: أحمد محمود شرقاوي
ارتفعت أسعار الذهب اليوم الخميس خلال التعاملات المسائية بنحو 10 جنيهات في الجرام لعيار الذهب 21 بأسواق الصاغة والمجوهرات المحلية. موضوعات مقترحة سعر الذهب اليوم الأربعاء في مصر بختام التعاملات سعر الذهب اليوم الأربعاء في مصر بختام التعاملات سعر الذهب اليوم الخميس في بداية التعاملات الصباحية سعر الذهب اليوم الخميس في بداية
التعاملات الصباحية انخفاض في أسعار البيض بالأسواق اليوم الخميس 9 مايو 2024 انخفاض في أسعار البيض بالأسواق اليوم الخميس 9 مايو 2024 سعر الذهب اليوم بالدولار ارتفع سعر الذهب اليوم بالدولار بنحو 23 دولارا، لتسجل الأوقية نحو 2332 دولارا في البورصة العالمية.
وجاءت تلك الزيادة عقب صدور بيانات عن وصول عدد مطالبات إعانة البطالة الحكومية
الجديدة الأسبوع الماضي إلى حوالي 231 ألف طلب، وفقًا لبيانات وزارة العمل الأمريكية. فيما توقع الخبراء تسجيل 212 ألفا،
